Пожешки од кога било: Календарот на згодните австралиски пожарникари за 2024-та

Детали

среда, 25 октомври 2023

Календарот со згодните австралиски пожарникари и овој пат мами воздишки, а жените не го кријат воодушевувањето од жешките фотки каде што се претставени како херои, но и позираат со животни.

Згодните австралиски пожарникари секоја година се фотографираат полуголи за познатиот календар - со домашни миленици или како гасат пожари, а парите од продажбата на календарите одат за хуманитарни цели.

Иако има повеќе од два месеца до Нова година, веќе се објавени неколку фотографии и видеа од календарите за 2024-та година.

Тие и овој пат измамија воздишки, а жените не го кријат воодушевувањето од жешките фотки на пожарникарите.

„Пожарникарите во мојот крај не изгледаат вака“, се пожали една жена, која на едно од видеата на Инстаграм остави коментар дека веќе ѝ стигнале порачаните календари.

Но, реакциите не се само од Австралија, туку од целиот свет:

„Дечки, може да ви се јавам ако избие пожар во Мадрид?“,

„Мислите дека ќе го убедам сопругот дека го купувам календарот затоа што обожавам мачиња?“,

„Горам! Малку сум далеку, во Бразил, ама ќе ги почекам да дојдат“,

„Ова е рајот, ама со многу оган“,

„Дали се реални? Мислам дека досега нè лажеле како навистина изгледаат мажите“,

„Ме интересира дали се зголеми бројот на пожари во Австралија откако луѓето знаат како изгледаат пожарникарите?“ се само дел од коментарите.

Во изданието за 2024 има шест различни календари.

Четири од нив се со слатки животни – кучиња, мачки, коњи и различни видови животни, но и класични пози и календар на кој пожарникарите се претставени како херои.

Првиот календар со австралиските пожарникари излезе во 1993 година.

Во овие 30 години со неговата продажба се собрани преку 3.4 милиони долари, кои се донирани во бројни австралиски организации, вклучувајќи и прифатилишта за животни и хуманитарни организации кои се занимаваат со истражувања за различни видови рак.

Повеќе фотографии од календарот за 2024 на следната страница...