Австралијка трипати се обидела да го отруе сопругот - Од вечерата со отровни печурки настрадале свекорот и свекрвата

Детали

петок, 03 ноември 2023

Наводно ова не било првпат Австралијката да го труе поранешниот сопруг, таа претходно трипати се обидела да го убие, а на кобниот ручек од јули годинава, биле поканети сите членови од неговото потесно семејство. Свекорот и свекрвата не го преживеале ручекот со телешко и отровни печурки што снаата го подготвила.

Во светските медиуми масовно се прошири веста за Австралијката Ерин Патерсон (49) која во јули годинава подготвила ручек со телешко месо и печурки, за нејзиниот поранешен сопруг Семјуел Петерсон, неговите мајка и татко и тетка му и тетин му.

Според токсиколошките наоди, кај нејзините поранешни свекор и свекрва Дон и Гејл Петерсон биле најдени остатоци од отровни печурки.

Дон и Гејл Петерсон

Се претпоставува дека Ерин јадењето го подготвила намерно за нив со цел да ги усмрти поранешниот сопруг и членовите на неговото потесно семејство.

Ерин деновиве беше уапсена од страна на австралиската полиција, откако во јули годинава, нејзините поранешни свекор и свекрва Дон и Гејл починале од ручекот што го јаделе кај неа, а додека Хедер Вилкинсон (сестрата на Гејл) и на нејзиниот сопруг Ијан преживеале, откако поминале неколку месеци во болница.

Хедер и Ијан Вилкинсон

Наводно, нејзиниот поранешен сопруг успеал да се извлече само затоа што тој ден имал премногу обврски и не успеал да стигне, но негови блиски пријатели тврдат дека Ерин неколкупати претходно се обидела да го убие.

Ерин и нејзиниот сопруг Семјуел

Во 2022-ра година на нејзиниот поранешен сопруг му се слошило и завршил во болница, а се претпоставува дека тогаш вдишал смртоносен отров.

„Колабирав кога се вратив дома, па потоа ме ставија во вештачка кома 16 дена, по што имав 3 итни операции, на тенкото црево.

Моето семејство двапати го повикаа да дојде и да се збогува со мене затоа што никој не очекуваше да преживеам“ – рече Сајмон во изјава за медиумите.

Негови пријатели, пак, за австралиските медиуми тврдат дека многу често се случувало Сајмон да се разболи и да заврши во болница по средбите со Ерин.

Претходно Daily Meil објави нејзин коментар на Фејсбук, што ги згрози сите што ја видоа, а во која таа не го крие презирот кон сопругот:

„Последниве 18 месеци, на секои две недели доаѓа хигиеничарка. Мојот сопруг не знае дека ни доаѓа хигиеничарка. Ми се допаѓа.

Сега не го презирам толку многу фактот што никогаш не ми помага по дома затоа што и јас не ги вршам крупните работи.

Хигиеничарката ги чисти тоалетите и тоалетните школки, го брише подот и собира со правосмукалка, ја менува постелнината и ја трансформира куќата. Сега само го презирам за садовите што се собираат секоја ноќ“ – напиша таа.

Ерин при аспењето рекла дека не знаела оти печурките во ручекот се отровни, па дури и самата имала влошена здравствена состојба откако јадела и била примена во болница.

Б. С. Б. | Црнобело