Детенце (9) останало без нозе, по малтретирањето од родителите кога имало 1 месец - Малиот херој минал низ 27 операции досега

Детали

среда, 08 ноември 2023

Откако бил нападнат од биолошките родители на возраст од едвај еден месец, Тони од Англија останал без нозе. Денес, детенцето се движи со помош на протези и патерици, а наскоро ќе прави операција која ќе му овозможи да оди без патериците. Неговиот случај е и причина за нов закон во Англија со кој се предвидуваат многу повисоки казни за родителите кои си ги малтретираат децата.

Тони Хугел од Англија има само девет години, но веќе преживеал огромни трауми.

Поради малтретирањето што го трпел од биолошките родители, морале да му се ампутираат двете нозе.

Денес, Тони има ново семејство кое му ја дава љубовта што ја заслужува, а наскоро, благодарение на операција, може да му се исполни и најголемата желба – да трча.

Биолошките родители на малиот Тони – Ентони Смит и Џоди Симпсон – во 2018-та добија по десет години затвор за повредите што му ги нанеле на детенцето.

Во 2014-та, кога Тони имал едвај еден месец, тие толку го малтретирале што детето завршило со скршени прсти на рацете и нозете и сериозни повреди на лигаментите.

Тие чекале 10 дена пред да го однесат на болница, поради што Тони развил сепса.

На крај, лекарите утврдиле дека е најдобро да му ги ампутираат нозете за да му го спасат животот.

Благодарение на лекарка на која повредите на Тони ѝ изгледале сомнително, детенцето било спасено од злобните родители.

Денес, Тони има протези на двете нозе, но мора да користи и патерици.

И покрај страшната траума што ја преживеал, малиот Тони денес е весело дете, а од Британците е нарекуван и херој.

Имено, неговиот случај е причина за нов закон во Англија кој беше изгласан во 2020 година, со кој се предвидуваат построги казни за родителите како оние на Тони.

Според новиот закон, родителите кои ќе ги повредат нивните деца, ќе добиваат казна од 10 до 14 години.

Доколку детето умре од повредите, може да добијат и доживотна казна затвор.

Продолжува на следната страница...