Детенце (9) останало без нозе, по малтретирањето од родителите кога имало 1 месец - Малиот херој минал низ 27 операции досега

Во 2016 година, Тони бил посвоен од Пола Хугел. За британските медиуми, таа има откриено дека досега на Тони му се направени 27 операции.

Наскоро ќе му биде направена уште една која ќе му овозможи да се движи само со своите протези, без да користи патерици.

Пола истакнува дека процесот на закрепнување ќе биде многу болен и долг.

„Ќе биде многу тешко и болно. Но, ако функционира, операцијата ќе му го промени животот. Тони е очаен да почне да трча и оваа операција ќе му ја даде таа шанса“.

Тони го има привлечено и вниманието на принцот Вилијам и Кејт Мидлтон кои го нарекоа херој.

Имено, во 2020-та, сакајќи да собере 500 фунти од донации за болницата каде што му го спасиле животот, Тони секојдневно одел по 10 километри во период од 30 дена.

И, успеал во намерата, а собрал многу поголема сума од планираната.

Следната година била отворена фондација во негово име чија цел е да им ги подобри животите на дечињата кои претрпеле физичко, емоционално или психичко малтретирање.

Преку фондацијата биле набавени 700 божиќни подароци за овие дечиња, а традицијата ќе продолжи и годинава.

Спирова С. | Црнобело