Детали за морничавото киднапирање на британски милијардер (78) во Еквадор: Расфрлани предмети и крвави чаршафи во неговиот дом

Детали

вторник, 19 декември 2023

Расфрлани предмети, крвави чаршафи, вработен што се држи за глава – На социјалните мрежи кружи морничаво видео направено по киднапирањето на 78-годишен британски милијардер кој бил грабнат од неговиот дом, заедно со девојката.

Во речиси сите светски медиуми се пренесува веста за киднапирањето на британскиот милијардер Колин Армстронг (78), по кого полицијата трага од неделата (17.12).

Според првичните информации, во домот на Колин во Еквадор влегле 15-тина маскирани мажи, кои го грабнале милијардерот заедно со Колумбијката Катерин Паола Сантос, за која се верува дека му е девојка.

Како што пишуваат британските медиуми, милијардерот бил киднапиран со цел да се изнудат пари од откуп, а тој и неговата девојка од имотот во Еквадор биле пренесени на непозната локација со неговиот автомобил BMW, што подоцна бил најден напуштен.

Една од вработените во домот на Колин објави видеоснимка на социјалните мрежи на која се гледа во каква состојба бил оставен домот на познатиот британски милијардер.

Во видеото се гледаат растурени кревети, расфрлани предмети и крвави чаршафи.

🔴¡¡Madrugada de terror!! se vivió en hacienda Rodeo Grande, en cantón #Babahoyo, #LosRíos cuando 15 hombres con fusiles, secuestraron al Ing. #ColinArmstrong, fundador de #AGRIPAC y Consul Honorario de Reino Unido 🇬🇧 en #Guayaquil. Así confirmó @PoliciaEcuador #EcuadorBajoAtaque pic.twitter.com/B9e3iLswG8

— Zona Informativa 593 (@Zona_Info593) December 16, 2023

Според објавата на Daily Mail, во последните неколку часови неговата девојка била ослободена од киднаперите и во моментов е на распит во полицијата.

На социјалните мрежи кружат фотографии од луксузните патувања на кои биле Колин и неговата девојка непосредно пред киднапирањето.

Инаку, досега најблиските не добиле барање за откуп, а властите напорно работат на решавање на случајот.

Б. С. Б. | Црнобело