„Имав 338kg, сопругот ме остави кога ослабев, но денес сум среќна мајка на 3 деца“

Детали

недела, 14 јануари 2024

Од нозете ѝ биле извадени 40 килограми масти. Сопругот ја напуштил кога ослабела, но таа е посреќна од било кога. Кристина Филипс од САД ја споделува својата приказна со надеж дека ќе им помогне на другите луѓе кои водат битка со вишокот килограми, како таа во минатото.

Кристина Филипс од САД се вбројувала меѓу најдебелите луѓе на светот, а тежела неверојатни 338 килограми. 

Иако била млада, имала 30 години, нејзиното здравје било сериозно нарушено и изгледала постаро.

Движењето ѝ било отежнато и не можела да функционира како другите луѓе, но и покрај сè, не се откажувала од нездравата храна која ја довела до таа состојба. 

Последна фаза било тоа што воопшто не станувала од креветот и се движела само низ собата.

За својата состојба ги обвинувала својата мајка и тогашниот сопруг Зак, кој не само што ѝ купувал брза храна, туку и ѝ дозволувал да се прејадува.

Првиот чекор кон трансформацијата било советувањето со доктори, кои утврдиле дека вишокот килограми кај неа може да се отстрани само хируршки. 

Меѓутоа, за да биде извршена операцијата морала да ослабе. Така започнува нејзината трансформација.

Во 2014 година таа ослабела неверојатни 243 килограми и повеќе не била на листата на најдебели личности.

Иако ѝ била направена операција за скратување на желудникот, тоа не било доволно, бидејќи во организмот имала големи количини на масни наслаги кои од одредени делови од телото морало да бидат отстранети хируршки.

Според пишувањата на американските медиуми, само од нозете ѝ биле извадени по 20 килограми масти.

Кристина, која денес има 80 килограми, води сосема поинаков живот, таа е самостојна жена, но таа независност му пречела на нејзиниот поранешен сопруг Зак, кој ја напуштил откако ослабела.

Повторно се омажила и денес е мајка на 3 деца.

„Можам да направам многу работи за себе. Се чувствувам одлично. Порано не можев да направам неколку чекори, а да не чувствувам дека умирам“, вели Кристина која денес редовно споделува фотографиии од нејзината трансформација за дополнително да ги охрабри сите кои се соочуваат со сличен проблем.

С. Ш. | Црнобело / фото: Фејсбук