Пред 10 години стана меме, нејзиниот поглед и денес е хит - Се сеќавате на Клои Клем?

Детали

сабота, 13 јануари 2024

Лицето на Клои Клем, која гледа зачудено со својот продорен поглед, повеќе од 10 години е едно од омилените мемиња во светот, кои и денес се споделуваат на социјалните мрежи.

Светот првпат дозна за Клои Клем во 2013-та година, кога мајка ѝ Кејти ја снимила нејзината незаинтересирана реакција, кога ѝ кажуваат нејзе и сестра ѝ дека ќе одат во Дизниленд.

На популарното видео, нејзината сестра Лили плаче од среќа, а Клои делува незаинтересирано и „фрла“ поглед отстрана кон мајка си.

За кратко време, нејзиниот лик стана меме, а фотката од видеото се споделува и денес.

Клои денес има 13 години, а на Инстаграм ја следат 638.000 луѓе.

Профилна фотка ѝ е, секако, мемето што ја направи позната во цел свет.

Таа денес гордо го носи прекарот side eye queen, бидејќи често знае да сподели фотка или видео на кои, исто како и пред една деценија, реагира на работите со истиот незаинтересиран поглед.

„Да, сè уште го имам истиот поглед“, знае да напише на фотографиите што ги споделува.

Фотографијата со студениот поглед на Клои од 2021-ва е заштитена како дигитална сопственост, а нејзината мајка вели дека парите што ги заработува ќе ги искористи за школување на двете ќерки.

Иако Клои и денес гостува во ток шоуа и забавни емисии, живее скромно со своето семејство во државата Јута.

Повеќе фотографии на следната страница...