„Бев сексуално малтретиран на 8-годишна возраст“: Братот на принцезата Дијана со потресно сведоштво

„Беше брутално. Директорот беше садистички педофил. Имаше вработено мал број наставници кои беа или перверзни, или никогаш не би зборувале против него. Немаше кај кого да се обратиме.

Мислам дека моите родители не беа свесни за суровоста што ја трпевме. Мислам дека веројатно имале застарено мислење дека казнувањето со ќотек е нормален дел од училиштето.

Но, тепањето беше секојдневен ритуал. Бевме 72 момчиња и барем шестмина од нас беа тепани секој ден. Мислам дека ниту еден родител не знаеше за тоа“.

Чарлс во детството

Чарлс раскажува и за ученик кој бил камшикуван толку силно, што навечер морал да спие гол бидејќи облеката му се лепела за раните.

Биле потребни две недели за да му заздрават раните.

Чарлс имал дозвола да им пишува на родителите еднаш неделно, но не можел да каже ништо бидејќи наставниците и директорот ги проверувале пред да ги испратат.

Училиштето во коешто одел Чарлс

Најлошото искуство на Чарлс било силувањето од страна на 20-годишна жена.

Тој вели дека нејзина мета биле момчиња помали од 13 години.

Чарлс молчел за малтретирањето скоро цел живот, а сфатил дека треба да побара помош по двата неуспешни брака.

„Бев многу збунет од мојот катастрофален љубовен живот, од тоа што бев несреќен и од разводите.

Сакав да направам нешто за моите деца, сакав да се подобрам за нив, да им бидам подобар татко. Мислам дека ако не бев родител, немаше да побарам помош“.

Чарлс и сестра му Дијана

Наводно, од училиштето се немаат огласено, но според британските медиуми, почнале да го истражуваат случајот.

Истовремено, сегашните управители на училиштето ги охрабриле поранешните ученици да ги споделат нивните слични искуства.

Чарлс Спенсер

Спирова С. | Црнобело