Станала инвалид на 22 години, но не се откажала од желбата да стане мајка – Американка со ретко нарушување е вистинска инспирација

Неврологот Леон Бардокар за „Newsweek“ објаснува зошто психичките трауми може вака да влијаат кај некои луѓе.

„Во суштина, тоа е состојба која предизвикува невролошки симптоми како слабост, тремор или напад, но не е предизвикана од оштетување на самите нерви.

Иако лекарите не се сигурни што точно го предизвикува ова, стресот и психолошката траума играат важна улога“, вели тој.

Периодот на бременоста ѝ донел нови предизвици на Сиднеј. Тогаш времето главно го поминувала во инвалидска количка.

Секој физички и емотивен стрес ѝ ги влошувал симптомите.

Породувањето траело 52 часа и било исклучително тешко за Сиднеј, но таа успеала да извојува победа и во оваа битка.

Сиднеј и нејзиниот сопруг отсекогаш сакале да станат родители, па на 10 јануари годинава им се исполнила најголемата желба и им се родила нивната ќерка Хадеса.

Сиднеј веќе има најдено начини како сама да се грижи за ќерка си додека сопругот е на пат.

Секако, во близина имаат пријатели кои доаѓаат на помош кога Колтон е отсутен.

Нејзината приказна дефинитивно може да служи како дополнителна мотивација за сите кои се борат со нешто слично.

„Оваа болест е исклучително тешка, но не сакам да очајувам.

Своите искуства ги споделувам на социјалните мрежи за да им помогнам на оние на кои им е потребна помош“, вели Сиднеј Ен.

С. Ш. | Црнобело