Кучето Џин не се двои од болно детенце

Детали

вторник, 31 јануари 2012

Тешко болното 4 годишно детенце Лукас Хембри од Тенеси боледува од Санфилипов синдром, генетска грешка на метаболизмот која настанува како...

...резултат на недостиг на ензими кои го разградуваат шеќерот во организмот.

Според прогонозите на лекарите, ова несреќно дете има уште една година живот, и се очекува да падне во вегетативна состојба од која нема спас.

Единствена надеж да му се продолжи малку животот е рехабилитација со помош на посебно обучено куче кое чини повеќе илјади долари. Родителите немале финансиски средства за да обезбедат такво куче, а дресерите одлучиле дека „Лукас не смее да биде во близина на куче“ затоа што заради природата на болеста често може да биде агресивен.

Очајниот татко на Лукас отишол во азил на напуштени кучиња и зел едно женско кутре кое го спасил од еутаназија. По некое време се воспоставило дека тоа е вистинското кутре за малиот.

„Неверојатно брзо се зближија и засакаа, а кучката Џин веќе неколку пати му го спаси животот. Една ноќ ме разбуди завивање. Се стрчав во собата и ја видов Џин како ја душка главата на мојот син. Нивото на кислород беше премногу ниско. Тогаш сфатив дека таа ги чувствува невролошките промени во неговиот организам и веднаш реагира . Сега знам дека беше судено да ја најдам Џин. Ние ја спасивме неа, а таа секој ден го продолжува животот на моето дете“ – изјавил таткото на Лукас кој сам го дресирал кучето.

Повеќе за оваа нераздвојна двојка може да прочитате и на Фејсбук: https://www.facebook.com/PrayingforLucas