Имал шизофренија, мајка му молела да го сместат во институција: Кој е мажот што ладнокрвно уби девојка во воз во САД?

Детали

петок, 12 септември 2025

Кон крајот на минатиот месец, млада Украинка беше ладнокрвно убиена во воз во САД. Јавноста дозна за трагедијата откако почнаа да се споделуваат безбедносните снимки од возот. Убиецот имал шизофренија, бил апсен 14 пати и поминал неколку години во затвор, но сега бил на слобода.

Убиството на Украинката од 22-ри август ја потресе јавноста и разгоре многу дебати за безбедноста во САД.

Младата девојка која побегнала во САД поради војната во Украина, беше свирепо убиена во јавен превоз, од страна на маж кој неколкупати бил апсен, но ослободуван.

23-годишната Ирина Зарутска побегнала од засолниште во Украина, а неодамна со нејзиниот партнер се преселила во Северна Каролина САД.

Била вработена во локална пицерија и кога била нападната, всушност си одела од работа.

Од потресните безбедносни снимки од возот се гледа како напаѓачот – Декарлос Браун Џуниор – седи зад неа, па одеднаш вади нож и ја боде неколкупати.

Додека девојката исплашено и збунето гледа наоколу, напаѓачот само станува од седиштето и почнува да се движи низ возот.

Во вагонот има и други патници, но никој не ѝ пружи прва помош и, за жал, Ирина го губи својот живот.

Јавноста е згрозена од настанот, а кога се дозна за досието на убиецот, многу Американци почнаа да зборуваат за пропустите во правниот систем на САД кои довеле до трагедијата.

Моментално убиецот е зад решетки, а во меѓувреме се огласија неговата мајка и сестра кои велат дека имал сериозни проблеми со менталното здравје.

Што знаеме за убиецот?

Трејси Браун е помладата сестра на убиецот Декарлос, која вели дека и самата бил нападната од него во 2022 година.

За време на тој инцидент, тој ја гризнал и скршил врата во нивниот дом, а повикала и полиција.

За The Post, Трејси вели дека брат ѝ бил параноичен шизофреничар, а многупати ѝ кажувал дека властите му вградиле чип.

Иако е јасно дека претставувал опасност за другите и за себе ако е на слобода, таа вели дека не очекувала да изврши убиство. Но, не го оспорува фактот дека треба да биде во институција.

„Кога го изгледав видеото, знаев дека стигнал до некоја критична точка. Девојката не го заслужи она што ѝ се случи. Пробував да сфатам зошто би го направил ова“.

Околу шест дена по убиството, кога Декарлос веќе бил зад решетки, Трејси се слушнала со него по телефон и тој ѝ рекол дека имал „материја во телото“ што го натерала да ја убие Ирина.

Трејси открива и дека со мајка ѝ го посетиле во затворот, но тогаш почнал да им се заканува и да ги обвинува дека правеле заговор против него.

„Само сакав да знам зошто токму неа, бидејќи тој бил во возот пред да влезе девојката. Кога го прашав ми рече и дека му ги читала мислите“, раскажува Трејси.

Сестра му додава и дека пробувала да го смести во ментална установа, но бидејќи не е негов легален старател, немала право на тоа. Кога ќе го однесела, го пуштале по 24 часа.

До 2020 година, брат ѝ бил во затвор за вооружен грабеж, а неговото однесување почнало да се влошува кога излегол на слобода.

Продолжува на следната страница...