Жена од Малезија 6 години се грижела за сопругот врзан за кревет - закрепнал и ја оставил за друга

Детали

четврток, 07 ноември 2024

Кога на добра жена ќе ѝ се погоди лош и неблагодарен маж... Приказна од Малезија која ќе ве изреволтира.

Нурул Шазвани од Малезија шест години се грижела за нејзиниот сопруг, откако тој останал врзан за кревет, по тешка сообраќајна незгода.

Таа цело време посветено се грижела за него, а тој кога закрепнал се развел од неа и се оженил со друга жена.

Според пишувањата на магазинот „South China Morning Post“, тој се преженил во рок од една седмица по разводот.

Откако осамна оваа приказна во јавност, многумина го нарекоа неблагодарен и човек без срце.

Нурул стапила во брак со овој човек во 2016 година и по две години брак на далечина, тој доживеал незгода, според азиските медиуми.

За време на закрепнувањето Нурул ја презела комплетно грижата за него со дневна рутина како хранење преку цевче, менување пелени и асистенција при бањање.

Во 2019 година таа дури почнала да пишува ва ова искуство јавно на Фејсбук и собрала 33.000 следбеници.

„Во тој период се плашев и кога само ќе се накашла. Му правев рехабилитација секој ден, а дури и моето семејство доаѓаше да ми помага“.

Парот има син заедно.

Но, Нурул сподели фотографии од свадбата на некогашниот сопруг со новата избраничка и јавно му го честиташе бракот на сопругот.

„Честитки на мојот ‘сопруг’. Се надевам дека ќе бидеш среќен со таа што ја избра. Аифа те молам добро чувај го, како што правев јас. Сега е твој ред“.

Откако објавата поттикна лавина од реакции, беше избришана од Нурул.

Потоа, таа откри дека официјално се развеле и дека и понатаму ќе ги извршуваат родителските обврски кон синот.

Дел од коментарите се охрабрување за Нурул дека добра жена како неа не заслужува таков неблагодарен маж.

С. С. | Црнобело