„Јас сум полничка девојка и мојот згоден дечко не е со мене поради фетиш, туку поради мојот карактер“

Детали

недела, 16 февруари 2025

„И полничките девојки заслужуваат љубов, исто како и сите други. Мене ме привлекуваат фит момци, исто како што фит момците со кои сум се состанувала досега ги привлекувале полнички девојки...“, вели Мишел Најла (26), која живее во Велика Британија.

Мишел Најла (26), која потекнува од Швајцарија, а живее во Велика Британија, постојано споделува видеа со својот партнер од Италија, како на ТикТок, така и на Инстаграм, но вели дека често е мета на критики поради тоа што таа е полничка, а тој мускулест.

Вели дека луѓето не можат да се помират колку се различни еден од друг, а се пар.

Фрустрирана од постојаните коментари, таа се огласи:

„И полничките девојки заслужуваат љубов, исто како и сите други.

Мене ме привлекуваат фит момци, исто како што фит момците со кои сум се состанувала досега ги привлекувале полнички девојки.

Но, не станува збор само за фетиш, како што велат некои, туку тоа едноставно е привлечност кон полнички девојки, како што некои чувствуваат привлечност кон русокоси или кон девојки со одредена карактеристика.

Јас, на пример, сметам дека мојот карактер е мојот најсилен адут. Не сфаќајте ме погрешно, и изгледот игра одредена улога за првенствено да стапиме во контакт.

И во светот постојат многу полнички девојки кои сакаат фит момци и многу фит момци кои сакаат полнички девојки. Јас навистина не знам што им е чудно на луѓето...?

Нема ништо погрешно во тоа, луѓето доаѓаат во сите форми и големини“.

На ова дел од следбениците ѝ дадоа поддршка преку коментари:

„Ти си среќна девојка што си пронашла љубов“.

„Вистинската љубов не се сведува на изглед на тела или на години, туку на двајца луѓе кои си ги сакаат карактерите и обожаваат да бидат заедно“.

С. С. | Црнобело