Приказната за Мао Јин: Дете од Кина, киднапирано на враќање од градинка, било пронајдено по 32 години

Детали

сабота, 31 мај 2025

Koшмарот траел 3 децении, а неговата мајка ги превртела небото и земјата за да го пронајде. Во меѓувреме помогнала на 29 други семејства да си ги најдат исчезнатите деца.

Тоа што започнало како обична прошетка од градинка до дома, се претворило во 30-годишен кошмар за семејството на Мао Јин, откако нивниот син Мао бил киднапиран во Сиан, Кина, во 1988 година.

Цели 32 години, неговите родители живееле со болката и неизвесноста, незнаејќи што се случило со нивниот син.

Неговата мајка, Ли Џингжи, ја напуштила работата и започнала неуморна потрага, испраќајќи повеќе од 100.000 летоци и појавувајќи се во бројни телевизиски емисии.

Со својата одлучност, Ли започнала движење што помогнало на најмалку 29 други семејства да ги пронајдат своите исчезнати деца, претворајќи ја во една од најпознатите и најсакани личности во Кина.

Во 2020 година, по повеќе од три децении, еден податок ги навел властите до човек кој како дете бил продаден и сега живеел во Мианјанг.

Со помош на технологија за препознавање лица и ДНК тест, било потврдено дека тоа бил Мао Јин.

Живеел на 600 километри далечина од своето семејство.

Долгоочекуваното повторно обединување се случило само неколку дена по Денот на мајката, со трогателни фотографии што го прикажуваат нежниот момент кога мајката и синот повторно се сретнале.

С. С. | Црнобело