Мрачната приказна за племето „Каро“, во кое бебиња биле убивани од најбизарни причини

До 2014 година, во просек годишно се убивале околу 300 деца во племенските заедници кои го практикувале овој страшен ритуал.

Мајките ништо не се прашувале. Често, дури биле принудени и да учествуваат во тој ужас.

Во минатото, имало обиди за искоренување на овој суров обичај, но тој повторно се појавил и тоа не само во ова племе, туку и во други етиописки племиња. Сè до крајот во 2014-та година.

Ако поглаварите проценеле дека новороденчето „не треба да живее“, ќе го оставеле некаде во грмушките да го изедат животни или да умре од глад и жед. Често ги фрлале во реката.

Поголемите деца ги хранеле насила со земја за да се задават или ги фрлале од карпи право во устите на крокодилите.

Во хоророт кој во цивилизирани култури не може ниту да се замисли, а не пак да се толерира, учествувале сите – родителите, пријателите на семејството, останатите членови на племето.

Оние мајки што ќе се осмелеле да побегнат со своето дете или одбивале да го предадат на џелатите, биле осудени на прогон и никогаш повеќе не смееле да се вратат.

За жал, малку мајки имале можност за бегство, бидејќи веќе имале едно или повеќе деца кои живееле во селото.

Една од оние што побегнала е и Буко Балгуда од племето Каро. Родила 15 деца – седум синови и осум ќерки. Ниту едно не преживеало.

Сите биле убиени веднаш по раѓањето, бидејќи племенските старешини ги прогласиле за проколнати. Причината била што Буко не ја почитувала традицијата. Всушност, не таа, туку нејзиниот сопруг.

Пред да се ожени, тој одбил да учествува во прескокнувањето на бикови - ритуал на иницијација во светот на возрасните.

И покрај тоа, добил дозвола за брак, но под еден услов - секое дете што ќе го добие дека ќе се смета за вонбрачно и незаконско. Ќе биде проклето. Ќе биде „минги“.

Буко Балгуда била принудена да гледа како ѝ ги одведуваат децата во смрт.

Во 2012 година племето Каро официјално објавило дека се откажува од практиката „минги“, благодарение на притисокот од локални активисти и невладини организации.

Според некои податоци оваа практика траела до 2014 години.

Повеќе фотографии од ова племе погледнете ТУКА.

Прочитајте и Србинка во посета на племињата во Етиопија: „Жените се радуваат кога ги камшикуваат, ги фрлаат своите деца на крокодили“ (видео)

С. С. | Црнобело