Девојка од Лос Анџелес за 27.000 евра си купила куќа со 17 соби во бајковито гратче на Сицилија - ја реновира во дом од соништата

„Ова не е само куќа – ова е искуство, уметнички проект, моја база за иднината и начин да се живее животот поразлично“.

Како додаток на автентичноста, Кики прави библиотека во чест на претходниот сопственик на куќата – сицилијански научник и професор.

Сега таа живее живот во куфери и го минува времето помеѓу Сицилија, Лос Анџелес и Канада додека реновирањето е во тек, но речиси е подготвена целосно да се пресели.

„Храна, сметки, излегувања - сѐ е поевтино тука. И не морам да плаќам за да избегам од хаосот, само излегувам надвор и сум во бајка од 14 век.

Оваа куќа беше шанса нешто заборавено повторно да се направи убаво. Во тоа има некаква романтика“.

Кики ги охрабрува и другите да направат сличен храбар чекор, велејќи: „Животот не мора да следи однапред напишано сценарио“.

Таа и натаму работи во односите со јавноста во светот на модата, но планира да започне свој бизнис во Италија кога ќе заврши со реновирањето.

„Купив стара распадната куќа во мало сицилијанско село со ништо повеќе од чувство и тоа ми донесе повеќе слобода, радост и заедништво отколку што некогаш можев да замислам.

Животот што го градам овде е неверојатен“.

С. С. | Црнобело