Се омажила за стар милионер болен од рак – починал по 24 часа, па наследила сè: Бизарниот случај што ја разбранува јавноста

Детали

вторник, 22 јули 2025

50-годишната Лиса се омажила за 75-годишниот Џозеф кој имал огромна фарма и богатство од околу 6 милиони евра. Но, тој починал само 24 часа по венчавката, а бидејќи немал деца, Лиса наследила сè. Сега неговото семејство се обидува да докаже дека можеби таа имала удел во смртта и дека не треба да го наследи богатството.

Во 2023 година, 50-годишна жена од Ирска се омажила за 75-годишен милионер кој, пак, починал околу 24 часа по венчавката. Бидејќи милионерот немал деца, жената го наследила целото неговото богатство.

Очекувано, целата ситуација ѝ била сомнителна на семејството на милионерот, особено бидејќи не била направена обдукција со која ќе се утврди точната причина за смртта.

Милионерот боледувал од рак и првично тоа било наведено како причина за смртта, но поради венчавката, сега неговото семејство бара да се отвори истрага.

На почетокот од јули имаше сослушување за целиот случај, со цел да се утврди дали смртта настапила природно или новата сопруга на милионерот сепак била замешана. Па, целата драма повторно се најде во центарот на вниманието.

Што се случило и кој е ставот на сопругата што наследи милиони?

Џозеф Гроган бил сопственик на огромна фарма во Ирска, со богатство од околу 6 милиони долари.

Во јануари 2023-та, на 75-годишна возраст, тој бил дијагностициран со рак во четврти стадиум, поточно со Не-Хочкинов лимфом.

Поминал четири третмани со хемотерапија, а од двата развил инфекции. Сепак, според последното сослушување, од третманите имало и подобрување на неговата состојба.

И покрај ова, на 15-ти април 2023 година, Џозеф починал во неговиот дом. И, тогаш се дознава дека околу 24 часа пред смртта, тој се венчал во тајност со 50-годишната Лиса Флаерти.

Наводно, смртта на Џозеф била поради инфекција бидејќи му бил ослабен имунолошкиот систем од третманите за ракот.

Но, неговото тело било балсамирано речиси веднаш по смртта, па било навистина тешко да се одреди точната причина.

Целата ситуација станала сомнителна за семејството на милионерот, особено кога станало јасно дека неговата сопруга ќе ги наследи парите, но и големата фарма.

Тие побарале и форензичка истрага и наводно потоа била направена обдукција која покажала ракот или откажувањето на некој од органите не биле причина за смрт.

Според патологот, Џозеф примал три различни лекови кои доколку му биле дадени погрешно, можеле да предизвикаат смрт. Но сепак, раното балсамирање ја оневозможило токсиколошката анализа.

Сега семејството на милионерот ја обвинува сопругата Лиса Флаерти дека можеби има удел во смртта на милионерот со цел да допре до неговите пари.

На сослушувањето од годинава, Лиса тврди дека Џозеф имал рак во доцен стадиум и дека и самиот бил свесен дека нема да живее долго.

Притоа, таа тврди дека имала долга врска со милионерот, без разлика што имала други партнери и има добиено три деца од други мажи.

Според изјавите на Лиса, врската со Џозеф ја почнале уште кога таа имала 16 години. Ова го потврдуваат и блиски пријатели на Лиса кои велат дека сликата што јавноста ја има за неа е потполно погрешна:

„Светот може да мисли што сака, но тоа не е Лиса. И таа и Џозеф беа прекрасни луѓе кои беа почитувани во заедницата. Лиса не се грижеше за Џо бидејќи ги сакаше неговите пари. Тоа се глупости.

Ја знам Лиса целиот мој живот и можам да ви кажам дека беа навистина вљубени. Никој не се грижеше за Џо како Лиса, дури ни неговото семејство.

Таа беше покрај него дури и кога му требаше најмногу, кога умираше. И, таа не го правеше ова за пари, Лиса не е таква личност“.

Продолжува на следната страница...