Најстарата жена во светот има 116 години: Се родила кога владеел пра-прадедото на кралицата Елизабета, видела 2 светски војни

Детали

вторник, 02 септември 2025

Со своите 116 години, Етел од Англија е најстарата жена во светот. Се родила пред жените да имаат право на глас во Англија, а ги надживеала и сопругот, и двете ќерки.

По смртта на бразилката Ина Канбаро Лукас во мај, Британката Етел Катерман беше прогласена за најстарата жена во светот.

На 21-ви август, пак, Етел го прослави 116-тиот роденден во домот за стари лица каде што живее.

Етел прославила во мирна атмосфера, опкружена со семејството, а добила и честитка од кралот Чарлс. 

Етел на ланскиот роденден

Интересно е да се напомни дека Етел, која е родена во 1909 година, е единствената жива личност која сведочела на владеењето на кралот Едвард Седми – пра-прадедото на кралицата Елизабета.

За разлика од ланскиот роденден каде имаше и фотосесија, годинава не сакале да ја оптоваруваат Етел со забави и фотографии.

Но, домот во којшто отседнува даде изјава:

„Етел и нејзиното семејство се благодарни за сите убави пораки и интересот за неа додека го слави 116-тиот роденден. Етел ќе го помине денот тивко, со семејството, за да може да ужива со свое темпо.

Ви благодариме за убавите желби на овој посебен ден“.

Етел е родена три години пред да потоне Титаник, а била жива и за време на двете светски војни.

Таа имала осум браќа и сестри, од кои сите се починати. Но, една од нејзините сестри била долговечна како неа и го дочекала 104-тиот роденден.

Етел на ланскиот роденден

Етел е родена во Англија, и тоа осум години пред жените таму да добијат право на глас.

Сведочела и на најголемите настани од поновата историја како првото лансирање на Месечината и падот на Берлинскиот ѕид, а го гледала владеењето на дури шест различни монарси во Англија.

Во текот на нејзиниот живот се смениле дури 27 премиери во Англија.

Иако најголем дел од животот поминала во Англија, три години живеела и во Индија. Откако се вратила во 1931-ва, ог запознала нејзиниот сопруг Норман. Се венчале во 1933 година.

Кога сопругот станал поручник, извесен период живееле во Хонгконг, каде што Етел предавала англиски.

Потоа живееле и на Гибралтар, пред да се вратат во Англија каде што Етел живее повеќе од половина век.

Етел на ланскиот роденден

Со сопругот добиле две ќерки, а тој починал во 1976 година. Починати се и двете деца што ги добиле.

Денес Етел има многу внуци и правнуци кои редовно ја посетуваат во домот каде што живее.

И, вели дека е задоволна од животот што го одживеала.

„Сум била насекаде низ светот и сега завршив во овој прекрасен дом, каде сите се грижат за мене и ми даваат што и да посакам“.

Етел на ланскиот роденден

Спирова С. | Црнобело