Убиецот на Украинката во САД потекнувал од семејство криминалци: Брат му е во затвор за убиство, татко му бил апсен неколкупати

Имено, сестра му Трејси неколкупати била апсена за кражба и давање отпор при апсење.

Таткото на убиецот, кој го има истото име како него, исто така бил апсен неколкупати.

Според документите што ги видела редакцијата на Fox News, бил апсен за провалување, кражба, како и поседување оружје на универзитетски кампус.

Претходно за The Post се огласи и помалиот, 19-годишен брат на убиецот.

За разлика од останатите членови на семејството, тој немал проблеми со законот, но истовремено и не бил во контакт со татко му и брат му.

Тој вели дека е сигурен дека трагедијата би била избегната ако брат му завршел во институција или во затвор по неговото последно апсење.

„Јас не ни знаев дека има проблеми со менталното здравје. Мислам дека не требало да дозволат да шета слободно во таква состојба. Би можел да го повтори убиството.

Треба да добие третман за проблемите со менталното здравје, но да има и последици за неговите постапки“.

Тинејџерот вели и дека во животот го видел брат му само еднаш или двапати.

„Тој беше на страната на татко ни. И двајцата имаат досие од одење по затвор и слично“.

Тој се присетува и на моментот кога неговиот друг брат бил уапсен и вели дека ситуацијата е иста како и сега.

Неколку американски медиуми побарале изјава од таткото на убиецот, но не успеале да допрат до него.

Инаку самиот Декралос пред убиството бил апсен најмалку 14 пати.

Последен пат бил уапсен во јануари кога повикал брза помош и тврдел дека полицијата му ставила некаков чип.

Тогаш бил ослободен само со изјава дека редовно ќе оди на контроли за менталното здравје.

Сослушувањето за убиството на младата Украинка е закажано за 19-ти септември. Во меѓувреме, била наредена и евалуација на менталното здравје на убиецот со цел да се докаже дали е способен за го следи судењето.

На сослушувањето се очекува да бидат споделени резултатите од евалуацијата.

Прочитајте и: Имал шизофренија, мајка му молела да го сместат во институција: Кој е мажот што ладнокрвно уби девојка во воз во САД?

Спирова С. | Црнобело