17-годишниот син го терал да убие човек, го носи епитетот најсуровиот мафијаш во Италија - Кој е Салваторе Тото Рина?

Детали

сабота, 11 октомври 2025

Кога неговиот син имал 17 години го принудил да задави маж, 2 години го држел во заложништво и измачувал малолетниот син на поранешен соработник, зашто таткото станал соработник на полицијата. Бил на врвот на Коза Ностра, но „паднал“ поради сопствената бруталност. Сепак, Салваторе Тото Рина и денес го носи епитетот најсуровиот мафијаш во Италија.

Салваторе Тото Рина е озлогласен водач на сицилијанската мафија и еден од најбруталните криминалци во италијанската историја.

Неговото име е синоним за терор, крв и страв што со години ја парализирале не само Сицилија, туку и цела Италија.

Роден во 1930 година во малото гратче Корлеоне, добро познато „легло“ на мафијашки активности. Без татко останал многу млад, па на себе ја презел улогата на хранител на семејството.

На 19 години убил маж, а шесте години поминати во затвор не го одвратиле од криминал, напротив, по излегувањето застанал покрај тогашниот водач на кланот, Лучијано Леџио, и заедно со Бернардо Провенцано учествувал во насилното преземање контрола врз Коза Ностра.

Кога Леџио бил уапсен во 1974 година, Рина ја презел водечката улога во мафијашката фамилија и почнал крвава пресметка со ривалите.

Во годините што следеле, ликвидирал неколку ривалски мафијашки семејства, па ја консолидирал власта и се стекнал со титулата capo dei capi, што значи „шеф на сите шефови“.

Во меѓувреме го добил прекарот La Belva, односно Ѕверот, а го користеле и неговите следбеници и непријателите.

Причината за ова е што не покажувал слабост и милост ни за жените и децата.

Еден од најсуровите примери за неговата нечовечност е случајот со Џузепе ди Матео, 13-годишен син на мафијаш кој станал сведок и соработник на полицијата.

За да се одмаздат на татко му, момчето било киднапирано, мачено и по 779 дена заробеништво, задавено и фрлено во киселина за да му се раствори телото.

Тоа била и порака за сите оние кои дури и помислувале да соработуваат со полицијата, а против него.

Се верува дека Рина директно или индиректно наредил убиство на над 150 луѓе, иако многу поранешни соработници му припишуваат и до 400 жртви.

Продолжува на следната страница...