17-годишниот син го терал да убие човек, го носи епитетот најсуровиот мафијаш во Италија - Кој е Салваторе Тото Рина?

Меѓу работите кои се пишуваат за него е и дека Рина го принудил својот најстар син на 17 години да задави човек.

Врвот на крвавите активности на Рина се случил во раните деведесетти, кога Коза Ностра почнала отворена војна против Италија.

Двајца од најистакнатите судии во борбата против мафијата, Џовани Фалконе и Паоло Борселино, биле брутално убиени во рок од 2 месеца, во експлозии и предизвикале национална тага и гнев.

По тие атентати, Рина наредил и серија бомбашки напади во Фиренца, Милано и Рим во 1993 година, при што биле убиени неколку цивили.

Овие злосторства предизвикале силна реакција на јавноста, по што државата решила конечно да стави крај на Коза Ностра.

По повеќе од две децении криење, Рина конечно бил уапсен на 15 јануари 1993 година во Палермо.

Неговото апсење се должело на низа грешки и разузнавачки податоци, а во моментот кога го изнесувале од полициската зграда, е обележан со силен аплауз од собраните граѓани.

Набрзо бил осуден на неколку затворски казни за доживотна робија, првенствено за атентатите на Фалконе и Борселино, но и за многу други убиства.

Тој бил ставен и под специјалниот затворски режим, познат како 41-бис, што подразбира речиси целосна изолација.

И покрај бројните болести: рак на бубрезите, Паркинсонова болест, проблеми со срцето, Рина останал во затвор до смртта.

Судот ги отфрлил молбите на неговото семејство да му дозволи да почине дома.

Рина починал на 17 ноември 2017 година, еден ден по неговиот 87-ми роденден, во затворската болница во Парма.

Неговата смрт означи крај на ерата на доминација на мафијата во Италија.

Неговото водство, пак, беше обележано со невидена суровост, а поради неговата стратегија на терор, ја сврте не само државата, туку и италијанската јавност против мафијата, што придонесе за нејзино слабеење.

Мафијата во Италија и денес постои, а Тото Рина ќе остане запаметен како човекот кој ја претвори Коза Ностра во крвава машина за убивање, без правила.

А. Ј. | Црнобело