Зимска бајка во Исланд среде октомври – падна 27cm снег, децата се лулаат, поларната светлина е магична (видео)  

Детали

среда, 29 октомври 2025

Куќите и дрвјата се затрупани во снежна покривка, децата се лулаат на игралишта иако снегот им е до колена, се санкаат, а на небото силно свети поларната светлина во најубавите бои - Рејкјавик во Исланд се претвори во магична и зимска бајка среде октомври, откако напаѓаа рекордни 27cm снег. 

Во Рејкјавик, Исланд вчера (28 октомври) падна првиот снег сезонава, а досега, локалците никогаш не виделе повеќе снег во октомври.

Во текот на денот паднале рекордни 30cm снег, со што градот се претвори во зимска бајка среде есен, но дури и надлежните биле неподготвени за временските услови, па ги предупредуваат граѓаните да бидат внимателни при возењето и движењето. 

Куќите, автомобилите и дрвјата се затрупани со снег, сообраќајот е отежнат, но сепак многумина знаат како да уживаат во оваа идила.

фото извор

Фотограф од Исланд објави видео во кое ги покажува убавините наоколу, додека неговиот град е под снежна покривка.

Децата шетаат по улици покриени со снег, се лулаат на лулки иако има снег речиси до нивните колена, се санкаат по улиците, а белите дрвја создаваат магична атмосфера...

„Не знам за вас, ама јас сум превозбуден. Подготвени сте за зима?“ – стои во описот.

А, како јаготка на шлагот, истиот ден тој објави ново видео на кое се гледа прекрасната поларна светлина која го направи Рејкјавик уште помагичен.

„Вечерва ја имаме најубавата поларна светлина која сум ја видел, јасно се гледа од градот и пулсира низ небото.

По рекордното ниво на снег што напаѓа, Исланд има уште што да понуди!“ – напиша тој во описот.

М. М. | Црнобело