„Најсилната жена во светот“ остана без титула – била родена како маж, а се натпреварувала во женска категорија

Детали

четврток, 27 ноември 2025

На годинашниот натпревар за „најсилна жена во светот“ победи Американка за која подоцна се дозна дека е родена како маж. Титулата веднаш ѝ беше одземена, а се шпекулира дека пред да го промени полот, снимала филмови за возрасни.

Неколкупати се случувало на женски спортски натпревар да победи трансродова жена, односно личност родена како маж, која си го променила полот.

Па, постои жестока дебата за тоа дали биолошките жени и трансродовите жени е фер да се натпреваруваат во иста категорија.

Во некои натпревари е забрането трансродови жени да се натпреваруваат со биолошки жени бидејќи иако го промениле полот, факт е дека имаат физичка предност поради полот со којшто се родени.

Таква е и ситуацијата и со натпреварот познат како „Најсилната жена на светот“.

Ова е годишен натпревар кој се одржува во САД и во кој учествуваат жени од целиот свет. Но, учесничките не смеат да бидат трансродови жени.

Победничката на годинашното издание на натпреварот беше Американката Џејми Букер.

Но, само неколку денови подоцна, титулата ѝ беше одземена откако организаторите дознале дека била родена како машко.

„Дознавме дека учесничк кој биолошки е машко, а кој сега се идентификува како жена, се натпреварувал во женската категорија.

Организаторите не беа свесни за овој факт пред натпреварот и откако се информирани почнаа истрага.

Ако бевме свесни за ова пред натпреварот, на учесникот немаше да му биде дозволено да се натпреварува“, споделија организаторите кога ѝ ја одземаа титулата.

Но, драмата почна уште не самиот натпревар. Кога Џејми беше прогласена за победничка, натпреварувачката од Англија гневно ја напушти салата.

Првично Британката го освоила второто место, а наводно се разгневила бидејќи победата ѝ била одземена од трансродова жена.

По скандалот, таа е прогласена за победник, а даде и кратка изјава за BBC Sports:

„Бев фрустрирана и гневна од она што го направи. Лажеше, не беше искрена.

Имаше жена која не влезе во финале бидејќи беше 11-та. Поради Џејми, ја изгуби шансата да влезе во топ 10 најсилни жени во светот“.

Иако можеби Џејми сега не открила дека е трансродова жена, во јавност почна да се споделува видео во 2017-та каде открива дека е родена како машко.

Видеото било објавено на канал со 12 претплатници, а на него има само фотографија од личност која личи на Џејми.

Во заднина се слуша нејзиниот глас:

„Сите на земјата сакаат да ја раскажат својата приказна, а јас не сум исклучок.

Јас сум 21-годишна трансродова жена, со историја на насилство, која пробува да остане своја додека е под влијание на своите многу религиозни родители“.

Засега Џејми се нема огласено за инцидентот, а не им одговарала ни на медиумите што ја контактирале.

Во меѓувреме, почна да се зборува и дека Џејми снимала филмови за возрасни пред да го промени полот, што било доказ дека е трансродова жена.

Ова го изјави и Британката која на крај победи на натпреварот.

„Имаше фотографии од сајт за возрасни. Многу експлицитни фотографии и видеа кои го откриваат полот на оваа личност“.

Џејми нема дадено коментар ни за нејзината кариера во порноиндустријата. Што се однесува до нејзиниот приватен живот, не се знаат многу детали, ниту кога направила операција за промена на полот.

Спирова С. | Црнобело