Жена која исчезнала пред 42 години е пронајдена со нов идентитет – не ни знаела дека е жртва на киднапирање

Детали

петок, 19 декември 2025

Во американската држава Кентаки се случила драма налик сапуница – 42 години по исчезнувањето на мало девојче, полицијата успеала да го најде. Денес е жена на 45-годишна возраст која живее со друг идентитет и не ни била свесна дека била киднапирана од нејзината мајка.

Девојче од Кентаки кое исчезнало пред цели 42 години неодамна било пронајдено.

Сега има 45 години и живее со друг идентитет, а најлудото во целата приказна е што жената не ни била свесна дека пред четири децении, станала жртва на киднапирање.

Мишел Мари Њутон била пријавена за исчезната на 2-ри април 1983 година.

Тој период, нејзината мајка Дебра наводно добила нова работа, па од Кентаки заминала во Џорџија, заедно со Мишел.

Но, Дебра всушност ја киднапирала Мишел – ја однела во Џорџија без татко ѝ да знае.

Нејзината мајка си го променила името Шерон и 42 години со ќерка ѝ живееле во лага.

Таткото на Мишел, Џозеф, се обидувал да ги лоцира и сега вели дека зборувал со поранешната сопруга околу една година откако ја киднапирала ќерка им.

Но, потоа ѝ изгубил секаква трага.

Фотошопирана фотографија која покажува како би изгледала Мишел денес

Надлежните сепак не го затвориле случајот и ја продолжиле истрагата до 2000 година.

Кога веќе не можел да стапат во контакт со Џозеф, таткото на исчезнатото девојче, сепак прекинале со потрагата.

Околу пет години подоцна, Мишел била тргната и од американската база со податоци за исчезнати деца.

Во 2016 година, случајот повторно бил отворен, по барање на член на семејството. Надлежните правеле сè во нивна моќ, но немале доволно докази и истрагата стоела во место.

Но, годинава добиле анонимен повик со чија помош ја лоцирале куќата на Дебра, мајката на Мишел.

Мајката на Мишел

На 24-ти ноември, полицијата отишла во куќата на Дебра. Таа го користела името „Шерон Нили“, а имала и нов партнер.

Веднаш ја уапсиле, а потоа отишле кај Мишел и ѝ кажале:

„Не си личноста којашто мислиш дека си. Ти си исчезната личност. Ти си Мишел Мери Њутн“.

Мајката на Мишел пред да биде уапсена

Тие ја однеле Мишел во полициската станица и овде се видела со татко ѝ по цели четири децении.

„Отсекогаш беше во нашите срца. Не можам да го опишам моментот кога можев да ја прегрнам.

Не би го заменил тој миг за ништо. Беше исто како кога ја видов откако се роди“, сподели таткото на Мишел.

Дебра била ослободена со кауција, но наскоро ќе треба да оди и на суд за киднапирањето на нејзиното дете.

Мишел денес

Мишел, пак, збунета од целата ситуација, пробува да остане неутрална.

„Мојата намера е да ги поддржам и двајцата родители и да пробаме да го завршиме ова поглавје за сите да можеме да закрепнеме“.

Спирова С. | Црнобело