Финска е најсреќна земја во светот 9-та година по ред, ние сме на 82-ро место – каде е најубаво за живот?

Детали

четврток, 19 март 2026

Деветта година по ред Финска е на првото место на извештајот на најсреќни земји на светот, по неа се и другите скандинавски земји, но и Костарика. Од земјите во регионот, највисоко котира Косово на 16-то место, а две места под нас е Бугарија. 

The World Happiness Report е годишен извештај кој се објавува од страна на Обединетите Нации во соработка со експерти од разни области, а покажува колку луѓето се чувствуваат среќни во земјите низ светот.

Извештајот се изработува врз основа на анкети, во кои луѓето одговараат прашања поврзани со квалитетот на животот во нивната држава, а се земаат предвид и економски и социјални фактори, како животни трошоци, слобода на говор, корупција и други фактори кои влијаат на рангирањето.

Извештајот за 2026 е објавен денес, а се базира на податоци кои биле прибирани во последните три години.

Најсреќна земја во светот, 9-ти пат по ред е Финска, а по неа како и изминатите години, се наоѓаат скандинавските земји.

Помеѓу нордиските земји, на третото место се наоѓа Костарика, а од сите 147 земји на листата, на последно место е Авганистан.

Македонија годинава се најде на 82-то место, а од земјите во регионот пак, Косово е рангирана највисоко, на 16-то место. 

Љубљана е на 18-то место, Србија го зазема 30-тото место, Црна Гора - 60-тото, Хрватска - 70-то, а Бугарија е на 84-то место. 

Погледнете кои се 20-те најсреќни земји, каде е најубаво за живот:

1. Финска
2. Исланд
3. Данска
4. Костарика
5. Шведска
6. Норвешка
7. Холандија
8. Израел
9. Луксембург
10. Швајцарија
    
11. Нов Зеланд
12. Мексико
13. Ирска
14. Белгија
15. Австралија
16. Косово
17. Германија
18. Словенија
19. Австрија
20. Чешка

Целиот извештај погледнете го ТУКА.

Прочитајте и 22 причини зошто Финска е најсреќната земја на светот

М. М. | Црнобело / фото: depositphotos.com