„Го злоупотреби“ - Слон бил офарбан розов, бизарниот потег на фотографка поттикна револт во Индија

Слоновите се насекаде таму – по улици, во украси, во архитектурата.

Практично се главниот симбол на Раџастан. Едноставно не можев да не вклучам еден.

Често ги украсуваат за фестивали и прослави – локалците ги бојадисуваат во најразлични бои.

Јас се одлучив за еден силен, светло розов слон – најпопуларната боја во Раџастан.

Подготовката беше интензивна. Посетив неколку фарми со слонови за да најдам луѓе што би сакале да соработуваат.

На фармата каде најдов менаџер што прифати, отидов четирипати - за да покажам дека сум сериозна.

Наоѓањето локација? Кошмар.

Историски локалитети, бирократија, дозволи... Земав тук-тук пред зори, барајќи совршена утринска светлина, празни улици и место што не е заштитено културно наследство.

И го најдов – напуштен храм на Ганеша! Да, богот со глава на слон – совршено вклопување.

Наоѓањето модел не беше лесно. Во конзервативната заедница во Индија, беше тешко да се најде некој што би сакал да биде полуразголен и обоен во розово.

Им пишував на десетици модели – речиси никој не се согласи. Дури и тие што ја сакаа идејата велеа: „Моето семејство нема да разбере.“

За сите што се грижат за слонот – користевме органска, локално направена боја, истата што локалците ја користат за фестивали, така што беше апсолутно безбедна за животното.

Во Индија единственото нешто што навистина функционира е да се молиш за успех на проектот.

Други методи? Речиси бескорисни. Молитвите беа слушнати“.

Објавата на Јулија:

С. С. | Црнобело