Свекрва ѝ ја застрелала 12 пати поради љубомора: Детали за убиството на поранешна мисица од Мексико

Детали

понеделник, 27 април 2026

На морничаво видео од безбедносна камера во домот на убиената мисица се слуша како нејзината свекрва вели дека ја убила бидејќи ѝ го зела синот. Свекрвата убиец е во бегство, а блиските на убиената девојка велат дека љубомората што ја чувствувала кон неа често им создавала проблеми.

На 16-ти април, поранешна мисица од Мексико беше пронајдена мртва во нејзиниот дом со прострелни рани, а набрзо потоа надлежните споделија дека ги испрашуваат членовите на нејзиното блиско семејство бидејќи меѓу нив е и осомничениот.

Набрзо потоа се дозна дека мисицата Каролина Флорес Гомез била застрелана и убиена од нејзината свекрва.

Трагедијата се случила во Мексико Сити, а младата убавица имала само 27 години.

Истрагата уште е во тек, но веќе се знаат доволно детали за мотивот зад грозоморното убиство.

Која е Каролина Флорес Гомез и што знаеме за нејзината трагична смрт?

Родена во 1999 во Мексико, на 17-годишна возраст Каролина била избрана за Мис Тин универзум во Баха Калифорнија (Долна Калифорнија) – сојузна држава во Мексико.

Оваа победа ја прославила, па Каролина почнала успешна кариера како модел. Истовремено, почнала да работи и како инфлуенсерка, а нејзините објави се фокусирале на мода.

Каролина била во брак со Алехандро Санчез Херера, со кој имала и осуммесечно бебе.

Кoн крајот на минатата година, таа и сопругот се преселиле во Мексико Сити во потрага по нов и подобар живот.

Но, Каролина имала проблеми со нејзината свекрва, 63-годишната Ерика Марија Гвадалупе Херера.

Според она што е познато во јавност, Ерика извесен период била активна во локална политика, но не успеала да изгради политичка кариера на државно ниво.

Но, сепак, во Долна Калифорнија била позната во политичките и социјалните кругови.

На 15-ти април, таа ја застрелала нејзината снаа, Каролина, дури 12 пати во главата, вратот и лицето, наводно поради љубомора.

Страшното убиство е снимено и на безбедносната камера што била поставена во дневната соба на парот.

Продолжува на следната страница...