Сиромашно дете се храни со кучешко млеко

Детали

четврток, 12 јули 2012

Шестогодишното Индијче, Чоту Кумар, е принудено да се храни со кучешко млеко затоа што неговото семејство нема доволно пари за храна.

- Живеам со мајка ми, баба ми и брат ми. Брат ми работи ама заработува 20 долари месечно, а тоа не е доволно за храна, раскажувал малиот Чоту.

Тој се спријателил со кучка која почнала да го доживува како свое дете, па не и е проблем да го дои.

- Со неа се спријателив уште од мал, ме сака и никогаш не била агресивна со мене. Кога сакам да јадам, доволно е да легнам покрај неа и да ја фатам за задните нозе, објаснува Чоту.

Неговата мајка на почетокот била згрозена од оваа глетка, но со тек на време не се бунела затоа што била свесна дека детето и е гласно.

Кучката дури и доаѓа пред нивниот праг, лае за да го викне Чоту да дојде по својот оброк.

Мештаните во селото никако не го одобрувале ова затоа што сметале дека детето може да се разболи од кучешкото млеко и да ги зарази и другите деца, па ги контактирале надлежните власти.

Детенцето сега оди на училиште каде добива еден оброк во денот, а благодарејќи на програмата на социјалните служби, и неговото семејство добива помош во вид на храна.

Но, Чоту не се откажува од својот претходен начин на исхрана.

- Си цицам од нејзиното млеко затоа што ми е слатко како шеќер. На многумина не им се допаѓа моето пријателство со кучињата, но јас сум среќен – искрено зборува малиот Чоту.