Братот на Обама живее во сиромаштија

Детали

понеделник, 13 август 2012

Додека американскиот претседател Барак Обама живее во Белата куќа, патува со претседателски авион и се дружи со славни личности, неговиот полубрат Џорџ Обама (30), долгогодишен зависник од алкохол и дрога живее во картонска населба во главниот град на Кенија, а комшиите на шега го викаат „господине претседателе“.

Џорџ и Барак имаат ист татко, но Барак е роден на Хаваите од вториот брак на неговиот татко со бела Американка, а после нивниот развод, расте со мајка му.

Џорџ е роден од четвртиот брак на неговиот татко и расте бо Кенија со мајка му која се премажила за француски хуманитарен работник, белец.

Во филмот „2016“ Џорџ не го критикува претседателот, но зборува за себе.

„Мојот брат стана лидер на најмоќната земја на светот. Овде во Кенија, јас сакам да бидам лидер на најсиромашните, оние кои живеат на дното“ – напишал Џорџ во својата книга.

Причината што тој живее во картонска населба е што пијалаците, кокаинот и марихуаната овде се достапни и поевтини, а деструктивното однесување не привлекува внимание.

 Барак и неговиот брат се сретнале прв пат кога Барак допатувал во Најроби неколку години по смртта на татко му, а втор пат кога бил на турнеја во Источна Арика и навратил да го види семејството.

„Тој има свои одговорности, не треба да се грижи за мене. Јас сум возрасен човек. Сите мислат дека ми праќа пари. Но, јас не сум просјак.“ – изјавил Џорџ. Сепак, кога Барак би ми понудил пари, секако дека би ги прифатил.