Руски милијардер ги спасува кучињата бездомници во Сочи

Детали

четврток, 13 февруари 2014

Рускиот милијардер Олег Дерипаска започна со изградба на прифатилиште за напуштените кучиња од Сочи, за кои властите наредија да се убијат заради организацијата на Олимписките игри.

Откако одлуката на Руските власти за уништување на сите кучиња во околина на Сочи ја шокираше јавноста, наспроти нив застана еден од најбогатите Руси.

Олег Дерипаска е љубител на животни, а воедно и милијардер кој решил да делува веднаш.

- Моето прво куче го најдов на улица. Ми беше верен пријател полни 5 години. И кога ќе помислам дека токму тој можеше да го минува она што сега тие го минуваат, срцето ми се кине - објаснува тој, откако истакна дека започнал проект во кој за брзо време ќе бидат сместени сите напуштени кучиња на кои им се заканува сигурна смрт.

А додека прифатилиштето сè уште е во изградба, само во последните неколку денови Олег лично спасил повеќе од 140 кучиња.