Зошто оваа фотка од татко и син кои трчаат на дожд е инспирација за многумина?

Детали

среда, 02 септември 2015

Родителите на 6-годишниот Бен биле психички подготвени на фактот дека нивното младо момче како резултат на карциномот на коски ќе мора да му ја ампутираат ногата, но она што не ни очекувале дека ќе се случи е дека тој ќе стане вистинска инспирација ширум светот.

Сега кога веќе има 14 години, Бен неколку пати се има појавено на медиумите, а меѓу приказните вклучена е и таа кога еден маринец му помогнал да го доврши својот триатлон откако не можел да продолжи да трча со неговата вештачка нога.

Сега одново е центар на вниманието откако се појави фотографија во која тој трча на дожд заедно со татко му.

Фотографијата станала вирална откако неговата сестра ја пратила на фото натпревар за списанието Runner’s World, но била дисквалификувана затоа што Бен нема 18 години. Направена е во 2013-та година кога тој учествувал на еден триатлон.

Ладната вода додека пливал и возењето велосипед на дождливото време му ја потрошиле целата енергија за да продолжи да трча, па татко му решил да го поддржи.

„Беше преморан па решив да трчам заедно со него“ – објаснува Џеј Си таткото на Бен.

„Не е ни чудно што е инспирација за сите кои имаат некаква ампутација за да продолжат да живеат активен живот, а фотографијата е доказ дека ништо не треба да ве спречува за да продолжите да живеете нормален живот, без разлика на несреќните околности“ – додава тој.

Малиот Бен одвојува време да ги посети сите оние кои моментално се по болниците и се борат со карцином на коските, како што и тој се борел кога имал само 6 години.

Неговото семејство смета дека добро е тоа што неговата фотографија станала вирална во период кога се воведуваат нови промени во здравството со кои се планира да се намалат материјалните средства кои ќе се одвојуваат за развој на нови типови на простетика, а и затоа што септември е месец на децата кои се борат со ракот.

„Никогаш не сум очекувал дека ќе имам рак и дека ќе останам без мојата нога, но тоа не ме спречи да продолжам понатаму. Сега сум излечен, возам велосипед, пливам и сурфам. Тоа што ногата ми е ампутирана не ме запре, туку ми донесе пречки кои успешно ги надминувам“ – вели Бен.