Згоден модел го жртвувал сексуалниот живот за да има побујна коса

Детали

среда, 09 септември 2015

Јоргос Цетис е модел кој во своите 20-ти години се борел со сексуална дисфункција која била нус појава на превентивните лекарства кои ги пиел за да не ја загуби неговата коса.

Сега кога тој е во своите 30-ти години не би имале можност да забележите дека некогаш неговата коса била пред опаѓање, бидејќи сега има густа и сјајна коса.

Бил на врвот од својата кариера и постојано добивал договори како за да оди по модните писти на познатите модни куќи, така и за рекламни кампањи во Лондон, Њујорк и Италија. Постоела само една работа која го попречувала неговиот успех – опаѓањето на косата.

Додека активно работел со Вог Италија и Стивен Мајзел за познати модни куќи како Армани и Версаче, открил дека неговата коса паѓа.

„Има голем број на машки модели кои се борат со овој проблем и мораат да употребуваат превентивни мерки за да не ја изгубат косата“ – објаснува Цетис.

За да ја спаси својата кариера, тој решил да употребува веќе одобрен лек Propecia без да знае дека ќе влијае на неговата сексуална способност.

„Мојата самодоверба како маж целосно се изгуби, а за малку ќе ја изгубев и мојата девојка“ – објаснува Цетис.

Решил да се ослободи од употребувањето на овој лек и да открие нов начин на третирање на опаѓањето на косата.

Во соработка со Роланд Пералта креирале витамински суплемент познат како Nutrafol кој е направен од природни состојки.

„Се чувствувам благословено и среќен сум што конечно можам да функционирам нормално и да ја задржам својата кариера“ – заклучува Цетис.