„Се плашев вода да се напијам“ - Поранешна Вог ѕвезда ја обвинува модната индустрија за нејзината анорексија

Детали

четврток, 18 август 2016

Кејли Чабот од Канада, поранешна Вог ѕвезда, имала само 15 години кога потпишала договор со агенцијата „Ford Models“ - реномирана агенција за модели која има откриено супермодели како Кристи Тарлингтон, Кристи Бринкли и Наоми Кемпбел.

Младата Чабот честопати завршувала на корицата на реномираното модно списание Вог, но она што навидум изгледа како гламурозен живот, всушност зад себе крие нешто многу далеку од гламур.

Денес, Чабот ја обвинува модната индустрија за анорексијата против која сè уште се бори.

Таа вели дека постојано мислела дека е дебелеа, па токму заради тоа, започнала да вежба по 5 часа дневно и да внесува само 500 калории.

„Се плашев да се напијам вода или било што да јадам“ - вели таа.

„Бев возбудена кога првпат открив дека ќе одам за Њујорк, но кога пристигнав таму ми рекоа дека колковите ми се многу широки. Ми беа 95 сантиметри, а требаше да бидат 5 сантиметри помали“ - ја започнува својата приказна Чабот.

Така започнала нејзината анорексија заради која почнала дури и косата да ѝ паѓа.

„Морав на мајка ми да ѝ се јавам да ме собере од училиште. Бев преслаба сама да се вратам дома“ - додава.

Достигнала тежина заради која ѝ се појавила и депресија. На само 15 години веќе размислувала за самоубиство, но тогаш решила се да ѝ признае на својата мајка.

Но, не се ослободила од болеста така лесно.

„Одев на снимање. Кончено ми рекоа да се облечам во бикини, парчето облека од кое најмногу се плашев, бидејќи сè уште мислев дека сум дебела. Но, ми рекоа дека изгледам одлично“ - објаснува Чабот.

„Токму тоа, како дрога, ме натера да лажам дека јадам и така завршив со булимија“ - продолжува.

Само тогаш кога била болна и преслаба, агенцијата била задоволна со нејзиниот изглед.

Но, приказната има среќен крај.

Конечно, со последното шоу во Париз, решила да замине за Канада и никогаш повторно не се вратила на модната писта.

Сега, после 2 години борба со оваа болест, конечно е среќна и задоволна.

Н. Г. | Црнобело