Црква на Марадона, црква на Google - запознајте ги десетте најбизарни религии во светот

Детали

среда, 19 септември 2018

Освен тоа што е познат како одличен глумец, Том Круз најмногу се поврзува со религијата под името скиентологија. Тој стана втор човек на водечкото место на таа религија, во којашто исто така членува и Џон Траволта.

Оваа религија во одреден период комплетно го презема приватниот живот на Том Круз, што резултираше со развод со Кејти Холмс.

Но, постојат и многу побизарни религии од скиентологијата за коишто може да прочитате нешто повеќе:

Црквата на Марадона или Марадонизам

Можеби Марадона е еден од најголемите фудбалери во историјата, но сведоци сме дека е многу далеку од божество. Сепак, така не мисли и групата која денес брои преку 100.000 членови од 60 земји во светот. Црквата е формирана на 38-миот роденден на Марадона, на 30 ноември 1998 година. 

Лесно е да станете следбеник на оваа црква, само треба да почнете да ги броите годините од 1960 година, годината кога е роден Марадона и да ги користите изразите како „Нека Диего биде името на сите твои деца“ и „Шири ги вестите за чудата на Марадона“.

Црквата на Ед Вуд или Вудизам

Некои луѓе веруваат дека своето спасение ќе го доживеат преку поклонување на американскиот режисер Ед Вуд. 

Тие веруваат дека неговите филмови ќе им помогнат во пронаоѓање на формулата за среќен живот, а еден од најглавните ритуали им е преоблекување во спротивниот пол, бидејќи режисерот честопати имал трансвестити во филмовите.

Црквата на летечкото шпагети чудовиште

Една од најбизарните религии во светот е позната уште и под името пастафаријанизам и е започната од Боби Хендерсон како реакција на канзашкиот државен совет да воведе часови по креационизам во училиштата како алтернатива за еволуцијата.

Хендерсон барал да се предава и патафаријанизмот во училиштата како една од теориите на креационизмот.

Црквата на евтаназијата

Свештеникот Крис Корда од Бостон ја основал оваа религија со цел да го нагласи фактот дека светот е пренаселен со луѓе и дека ако сакате нешто да преземете во врска со тоа, треба да се самоубиете. Исто така, оваа религија го оправдува и абортусот, канибализмот и содомијата.

Црквата на Гугл или гуглизам

Основач на овој популарен современ култ е Мет Мекфирсон и неговите следбеници веруваат дека Гугл е „сегледачки и сезнаен“ односно дека овој популарен интернет пребарувач е најблиското нешто до она што може да се нарече божество.

Продолжува на следната страна...