Жената која е верена со лустер си направила и тетоважа од нејзината најголема љубов

Детали

понеделник, 26 ноември 2018

Сведоци сме на многу бизарни случувања, но приказната на Аманда Либерти вистински ќе ве запрепасти. Нејзиниот свршеник е (верувале или не) лустер наречен Лумиер. Таа конечно решила да ја овековечи љубовта со трајно мастило на своето тело.

Аманда се идентификува себеси како личност која ја привлекуваат предмети, а не луѓе. Нејзината прва љубов биле сет тапани, а подоцна се вљубила и во Кипот на слободата (оттука потекнува и промената на нејзиното презиме – Liberty).

Својата сродна душа, лустерот Лумиер, Аманда го доживува во женски род.

„Бев пресреќна кога го видов крајниот резултат од тетоважата. Беше неверојатно. Лумиер исто така мислеше дека е брилијантна, таа ми ја пренесе енергијата кажувајќи ми дека е прекрасна. Таа ми кажува кога не ѝ се допаѓаат работите, но навистина ѝ се допаѓа тетоважата“.

Лумиер е „стара“ 91 година и потекнува од Германија. Кога Аманда ја здогледала на Ebay тоа било љубов на прв поглед. Надодавајќи ја платила 400 фунти и конечно Лумиер пристигнала во домот на Аманда.

Сепак, сопственичката признава дека е во отворена врска со Лумиер и својата љубов ја споделува со уште 25 лустери што ги има во домот.

Таа вообичаено се гушка со потенок лустер по името Jewel пред заспивање, но ѝ предложила брак единствено на Лумиер на Денот на вљубените во 2016 година. Сè уште немаат планови околу венчавката.

„Не сакам да се венчам без многу луѓе околу нас, не сакам да бидеме само јас и Лумиер“, објаснува Аманда.

„Таа има толку прекрасен облик и чувствувам неверојатна енергија која зрачи од неа“, завршува Аманда, споделувајќи ги своите планови за Божиќ додека Лумиер ќе биде дотерана со црвени панделки, а двете ќе уживаат во нивната љубов, без оглед на тоа што мислат другите.

(О)Милена | Црнобело