Што се служи во рестораните со Мишелин ѕвезди за време на празниците?

Детали

недела, 09 декември 2018

Ако за едни празничната трпеза е полна со руска салата, сарма, свинско месо и домашни пити и кифли, други имаат поинаква претстава како таа треба да изгледа.

Рестораните кои добиле повеќе Мишелин ѕвезди, освен што се многу многу поскапи од домашната трпеза, тие имаат и поинаква замисла за празнична трпеза. Нивните клиенти очекуваат со секоја порција да добијат и новогодишен подарок со експлозија од вкусови.

На пример, ресторанот „Quince“ во Сан Франциско (три Мишелин ѕвезди), на празничното мени имаат карбонара со тартуфи, јајца, пекорино сирење и зелка, или пак месо од патка со црвена зелка зготвена во паткина лој и печурки.

Менито чини 335 долари по лице.

Во „Aureole“ во Њујорк се служи нешто побогато мени, можеби затоа што е поевтино, поради само едната Мишелин ѕвезда.

За време на новогодишните празници може да се одбере мени со супа од есенска тиква, поширан јастог со праз и моркови, паткино месо, медалјони од телешко со прокељ и круши варени во вино и прелиени со зачинето чоколадо.

Менито чини 145 долари по лице.

„La Pergola“ во Рим има три Мишелин ѕвезди и импресивно празнично мени, кое се состои од месо од бивол со чадена рикота, лигња полнета со ракчиња, тортелини со тиква, риба со спанаќ и црн тартуф и месо од патка со лешници.

Менито чини 561 долари по лице.

„Le Cinq“ во Париз има три Мишелин ѕвезди и е дефиниција за ресторан од овој тип - од вкусот на храната, па до начинот на нејзино сервирање.

Во менито ќе најдете норвешки јастог со кавијар, остриги на два начина и риба по избор полнета со костени и тартуфи.

Сето ова чини по 604 долари по лице.

„The Goring“ во Лондон има една Мишелин ѕвезда има мени со храна слична на традиционалната трпеза, со полуксузен завршеток.

Менито се состои од салата од јастог со бадеми и мајонез со лимон, печена мисирка и колбаси од мисирка, со сос од брусница и сланина, чаден карфиол, лосос со анасон и праз и божикен пудинг со портокал и бренди.

Менито чини по 360 долари од лице.

„Le Bernardin“ се наоѓа на Менхетен во Њујорк и служат богато мени од 20 декември до Нова година.

Во нивното мени може да се најдат морски ежеви со јаболка, тасманска пастрмка со кавијар и пашканат, норвешки јастог, повеќе видови риба со најразлични видови гарнир, од грав до пире од печурки, a за десерт служат дуњи со киноа и сладолед од козјо млеко.

Ова мени чини 270 долари по лице.

Е. Д. | Црнобело