На 11 години станала анорексична, на 20 години конечно изгледа здраво (фото)

Детали

сабота, 09 март 2019

На училиште на Алис ѝ велеле дека е дебела, таа се повлекла од себе и оттогаш започнал хоророт... Но, сега е поздрава и посилна од кога било.

Алис Елизабет (20) од Лондон се борела со нарушување во исхраната уште од 11-годишна возраст. Таа страдала од анорексија и секој пат кога ќе видела храна срцето ѝ чукало забрзано и паничела.

Како мала на училиште ја задевале дека е дебела, самодовербата ѝ била многу ниска и имала проблеми со социјалната интеракција, па тоа е ѝ причината за нарушувањето.

Во периодот кога страдала од анорексија таа ја изгубила енергијата, концентрацијата ѝ била ужасна и присуствувањето на часови во училиште ѝ било вистинска борба.

Штом ќе видела храна ѝ се превртувало во стомакот. Постојано мислела на нејзината тежина и телесна форма и најмачно ѝ било кога доаѓало време за следен оброк.

Се освестила дека има реален проблем дури кога почнала да страда и од депресија и анксиозност. Сфатила дека сè излегло од контрола и дека не ја гледа големата слика и дека иднината ѝ е загрозена.

Сега, на 20 години е горда што тој период е зад неа и промовира здрава исхрана.

Алис вели дека гледањето како нејзината телесна тежина се зголемувала ѝ бил еден од најтешките моменти во процесот на закрепнување и порачува дека најважно во ваква ситуација е да го насочите умот кон нешто друго, како некое хоби на пример.

С. С. | Црнобело