Данок на дебелина, брза храна, на сонце и тетоважи - најчудните даноци во светот кои не сте знаеле дека постојат

Данок на солариум, САД

Почнувајќи од 2010 година, секој Американец што сака да користи солариум, мора да плати дополнителни 10% од цената на процедурата. Овој закон се однесува на сите солариуми освен ако не се под надзор на лиценцирано медицинско лице, а донесен е со цел да се бори против ракот на кожа.

Данок на сонце, Балеарските острови

Балеарските острови имаат околу 11 милиони туристи годишно, а ова создава голем притисок врз локалните ресурси. Затоа во 2016 година донесен е нов туристички данок на сонце.

Овој данок се однесува на сите посетители на Мајорка, Менорка, Ибица и Форментера и се движи од 2 до 4 долари на ден. Парите од овој данок се користат за да се подобри туристичката инфраструктура како чистење на плажите и крајбрежните региони, заштита на историските места и зачувување на еколошкиот баланс.

Данок на сенка, Италија

Сопствениците на рестораните во Конегљано, град во регионот Венето во Италија, мораат да плаќаат по 100 долари годишно доколку нивните тенди и чадори фрлаат сенка на улицата.

Данокот на сенка е креиран во 1993 година и требало да се применува низ цела Италија, но го прифатиле само властите на Конегљано.

Данок на тетоважи, Арканзас

Тетоважите се многу популарни во САД и се проценува дека околу 36% од Американците на возраст помеѓу 18 и 29 години имаат барем една тетоважа. Затоа не е ни чудо што властите се обидуваат да ги заштитат граѓаните да не одат кај непрофесионални тату мајстори.

Најдобар пример за ова е политиката на Арканзас со данокот од 2005 година, каде што се наплаќаат дополнителни 6% данок на тетоважи и пирсинзи.

(О)Милена | Црнобело