Маж си го пресече јазикот на 2 дела, a сака да си го отстрани и папокот

Детали

четврток, 28 март 2019

Замислете човек со јазик разделен на 2 дела... Како јаде, како се бакнува, како говори и зошто желбата за ваков змиски јазик?

Tибол Дескампс (18) од Франција во август 2018 година си го пресече јазикот на два дела. Причината за ова изјави дека било тоа што едноставно имал желба, па идејата од неговиот ум ја претворил во реалност.

„Уште кога бев мал сакав да изгледам како личноста што ја замислував и во првата можност го сторив тоа. Чувствував дека делењето на јазикот ќе направи да се чувствувам повеќе свој во своето тело, сакав чудно тело со многу ексцентричност. Бев еуфоричен за идејата и едвај чекав да си го исечам јазикот. Сметам дека сум силна и чудна личност.“

Операцијата на јазикот се изведува со анестезија и сечење на јазикот со скалпел, по однапред одбележана линија, или со ласер. За затворање на раната и контролирање на крвавењето секоја страна од поделениот јазик се шие.

Тибол вели дека операцијата не била страшна, туку тоа што по неа поради отокот 1 час не можел да голта. Вели дека чувствувал некомфорност, но со тек на време почнал да зборува нормално и наводно сега нема проблеми.

Но, многу луѓе по ваква операција се соочуваат со низа проблеми.

Тој вели дека добива критики, но си го сака јазикот. Пресечени му се и ушите за да бидат шпицести. Следно планира отстранување на папокот, тетовирање на очните јаболка, отстранување на брадавиците на градите итн.

Што мислите за овој бизарен тренд?!

С. С. | Црнобело