Како деца се запознале во болница пред операција, се венчале 20 години подоцна

Детали

четврток, 09 мај 2019

Страдале од исто нарушување и се запознале во болница кога имале 4/5 години, сега се во брак и имаат ќерка.

Емили (28) и Камерон Кохман (27) од Охајо имаат љубовна приказна како од бајките.

Тие се запознале во болница како деца. Двајцата страдале од ретко нарушување (bladder exstrophy) и морало да бидат оперирани.

Операциите им биле закажани блиску една до друга во иста болница, па таму Емили и Камерон се запознале и станале другари, кога имале 4/5 години.

Прв детски бакнеж имале во играчницата во болницата, опкружени со плишани играчки.

Потоа изгубиле контакт, но Емили не го заборавила Камерон и во 2004 година ја прашала мајка си дали сè уште го има нивниот семеен телефон. Го исконтактирала и биле веднаш неверојатно поврзани поради тоа што во детството минале низ иста работа.

Тогаш биле во средно училиште, а по многу телефонски повици и пораки, се сретнале во 2006 година.

Кратко потоа почнале да се состанувааат, во 2012 Камерон ја запросил Емили, а во 2015 стапиле во брак.

Сега, се горди родители на 2-годишно девојче.

С. С. | Црнобело