Запознајте ја Џулија Хокинс, 103-годишна жена која сруши рекорд во спортски маратон

Детали

вторник, 25 јуни 2019

Кога некој ќе наполни 100 години, обично го славите фактот што личноста успеала да доживее 10 децении. Но на 103-годишна возраст, Џулија Хокинс постигнала нешто невообичаено за луѓето во овие години.

Оваа недела, Џулија, која го добила и прекарот „Ураган“, го сруши рекордот за најстарата жена што се има натпреварувано во Националните игри за стари луѓе.

Ова е натпревар што се состои од 20 спортски дисциплини, каде што учествуваат мажи и жени над 50 години. Ова е најголемиот настан од овој вид.

Но не само што се натпреварувала, туку Џулија освоила и злато во трките на 50 и 100 метри. Покрај тоа што таа е најстарата личност што се пријавила на маратонот, Џулија е и најстарата личност што се натпреварувала во трчање во Америка.

Најинтересно е што Џулија не ни почнала да трча сè додека не наполнила 100 години. Пред тоа таа била велосипедист, но после повреда на лактот решила да му даде шанса и на трчањето. Изгледа дека и овој спорт ѝ оди одлично.

Кога имала 101 година, Џулија го поставила својот прв рекорд за луѓе над 100 години, завршувајќи ја трката за 39,62 секунди. Иако завршила 6 секунди подоцна од претходниот рекорд, таа била задоволна од резултатот, па дури на шега изјавила дека сепак е две години постара.

Џулија признала дека тренира многу малку и дека најчесто се подготвува со истегнување и градинарство. Што и да прави очигледно функционира, бидејќи таа има срушено неколку светски рекорди за атлетика.

И покрај сите достигнувања, Џулија е најгорда на нејзините деца и нејзиниот сопруг кој починал на 95-годишна возраст.

„Тие беа најубавите нешта во мојот живот – и внуците и правнуците. Ова се нешта што не можете да ги победите. Ова другото, трчањето, е само јагода на шлагот.“

Сепак, Џулија смета дека е важно да останеме бидеме активни постојано во животот. Нејзиниот совет е да бидеме во најдобра форма што можеме, да имаме многу страсти и да ги бараме магичните моменти.

Спирова С. | Црнобело