Жена го објавува на Инстаграм нередот кој нејзиниот сопруг го прави секојдневно – за поука на мажите

Детали

вторник, 27 август 2019

Една жена од Јапонија решила да направи Instagram профил на кој споделува фотографии од нередот што го прави нејзиниот сопруг во нивниот дом. Профилот е наречен gomi_sutero што на јапонски значи „фрлај го своето ѓубре“.

Низ домот таа наоѓала искористени шамивчиња, контактни леќи, облека на подот и предмети поставени на најчудни места.

Парот живее во префектурата Фукуока, а жената изјавила дека во брак се 5 години и дека имаат ќерка.

Првпат ја забележала неуредноста на нејзиниот сопруг кога почнала насекаде да гледа негови чорапи и искористени шамивчиња. На почетокот ги споделувала фотографиите на нејзиниот приватен профил кој го следеле само нејзините пријатели.

Но, една пријателка ѝ предложила да го направи профилот јавен, па денес има дури 450.000 следбеници, каде јавно го засрамува сопругот и испраќа порака до останатите.

Жената изјавила дека нејзиниот сопруг не знае за профилот, но доколку го откриел, најверојатно ќе се смеел.

„Постојано му кажувам за неговиот неред, а секогаш кога го правам тоа тој ми кажува некоја шега, па навистина е забавно“, споделила таа.

Сепак, додала и дека кога е уморна, нејзиниот сопруг помагал во средувањето на домот... 

Спирова С. | Црнобело