Авиокомпанија смисли алатка која ќе ви помогне ако не сакате да седите до бебе кое плаче

Детали

понеделник, 30 септември 2019

Замислете си да треба да летате неколку часови, а до вас да има мало дете кое не престанува да плаче. Сигурно нема воопшто да уживате во и онака напорното летање.

Но, една јапонска авиокомпанија нашла начин да се избегне овој проблем. Распоредот на седење во авионите на Japan Airlines покажува и каде се сместени децата помали од две години.

На веб-сајтот на авиокомпанијата, седиштата на патници со деца се означени со симбол со дете.

Според тоа, останатите патници можат да одберат каде ќе седат.

Овој потег треба да им биде од корист на сите – ќе им помогне на луѓето кои не сакаат врева да најдат подобро седиште, а родителите со мали деца ќе бидат поштедени од гневните погледи на патниците.

Засега е познато дека барем уште една јапонска компанија почнала да го користи овој систем.

Иако за некои звучи одлично, оваа промена била прифатена со измешани критики.

„Ви благодарам што ме предупредувате каде ќе има гласни бебиња за време на 13-часовен лет. Ова треба да биде задолжително. Пред две недели, до мене имаше 3 расплакани бебиња во авион“, споделил еден задоволен патник.

Сепак, се огласиле и луѓе на кои не им е јасна потребата од нешто вакво.

„Сите сме биле мали! Оние луѓе кои не можат да поднесат да седат до мали деца треба да се обидат да бидат сочувствителни и да сфатат дека во светот постојат полоши нешта од седење до бебе што плаче.“

Дали вам ви се допаѓа оваа идеја, или сепак сметате дека некои луѓе претеруваат?

Извор