Коњаница и пендреци на народ, камења и факли на полиција – Бруталните протести во Србија низ фотки и видеа

Детали

четврток, 09 јули 2020

Бурните протести кои пред 2 дена започнаа во Белград, се проширија и во другите градови, а ситуацијата ескалираше со растерување демонстранти со коњаница, тепање со пендреци дури и невин народ, но и повредени полицајци од страна на демонстрантите.

На 7 јули, по најавата за викенд полициски час, граѓаните на Белград револтирани од одлуката на претседателот и Кризниот штаб, излегоа пред Собранието и накратко успеаја да влезат внатре, но брзо беа изнесени. Протестот продолжи пред Собранието, каде се насобра огромна маса народ кој револтирано протестираше поради целата ситуација со корона вирусот во земјата и погрешно носените одлуки. 

Полицијата се обиде да ги растера со солзавци, но набрзо народот почна да ги враќа солзавците кај нив, а дел од демонстрантите фрлаа камења кон полицијата, па веднаш потоа полицијата доби засилување од специјални антитерористички единици, како и од коњаница и полициски кучиња.

Протестот траеше до доцна во ноќта и демонстрантите беа упорни, а полицијата во подоцнежните часови почна да ги употребува пендреците, дури и на невин народ, според некои снимки.

На 8 јули, демонстрантите беа поорганизирани и повторно ги започнаа протестите во 18 часот, но овојпат се проширија и во другите градови.

Протестите посебно во Белград и Нови Сад набрзо станаа брутални, а полицијата не остана мирна на тоа што демонстрантите ја напаѓаа со камења, факли, па дури и солзавец, и набрзо потоа почна да употребува сила врз демонстрантите.

Конфликтите помеѓу полицијата и демонстрантите се префрлиле на неколку улици, каде биле бркани и растерувани со помош на јуриш од коњаница и засилување од специјални единици, а на крајот се повредени 17 демонстранти и 19 полицајци.

https://www.facebook.com/watch/?v=894191757756256

Повеќе фотографии и видеа од протестот на следната страна...