Има 39 години и 38 деца, сопругот ја оставил: Мирјам Набатанзи е најплодната жена на светот

Детали

сабота, 21 ноември 2020

Со своите 39 години има родено дури 44 деца од кои 38 преживеале. Мирјам Набатанзи од Уганда има родено 6 пара близнаци, четирипати родила тројки, трипати родила четворки, а на двапати по едно детенце.

Мирјам отсекогаш сакала да има 4 деца, но од првите четири бремености родила 4 пара близнаци.

„Тоа беше навистина повеќе отколку што планирав. Бев на лекар откако веќе имав два пара близнаци за да прашам како да престанам да раѓам. По бројни тестирања ми рекоа дека имам дијагноза на несекојдневно големи јајници и каква било интервенција или апчиња за контрола на бременост би можеле да ми го загрозат животот“.

Се омажила многу млада, на 12 години за маж кој бил речиси 4 пати постар од неа, а првите деца ги добила на свои 13 години. Денес има 38 деца и сите живеат заедно во една куќа.

Дневно трошат околу 11kg пченкарно брашно за да се најадат. Спијат на метални кревети и секој ден имаат организирани активности.

Таткото на децата го напуштил семејството, па оваа неверојатна жена сама се грижи за дечињата.

„Тој веќе не е дел од нашите животи. Сè што имам сум го направила и заработила со моите две раце“.

Е. П. | Црнобело