„Мислев дека нема да преживее“ – Жената која го спаси детето оставено да гладува, сега спаси детенце со ХИВ

Детали

петок, 18 декември 2020

Ања Рингрен Ловен има спасено многу деца од Нигерија, а неодамна ја сподели приказната на малиот Сејвиор кој е ХИВ позитивен и го нашла на улица.

Ања Рингрен Ловен е позната по спасувањето на малиот Хоуп, кој беше оставен на улица од неговите родители кои верувале дека е вештер.

Но, оваа неверојатна жена им го има променето животот на многу деца.

Ања, заедно со сопругот, им помага на дечиња од Нигерија кои се оставени на улица или кои немаат родители и ги згрижува во нејзиниот центар. Таму, тие имаат можност за образование и шанса за пристоен живот.

Неодамна, Ања ја сподели емотивната приказна за уште едно детенце од Нигерија, кое го спасила пред една година.

Детенцето го добило името Сејвиор, инспирирано од англискиот збор „saviour“ што значи „спасител“.

„Пред точно една година добив повик за да разгледам некој сериозен случај. Мало момче било забележано на патот и било во животна опасност. Ова се случуваше пред Божиќ, и сите бевме зафатени со украсување на центарот за нашата голема забава, а одеднаш требаше да се подготвиме за спасувачка мисија.

Кога го најдовме Сејвиор имаше многу болки. Не бев сигурна ни дали ќе преживее.

Сејвиор беше ХИВ позитивен, а кога се заразени, повеќето деца во Африка умираат за помалку од една година, бидејќи немаат пристап до третман.

Девет од десет деца на возраст до 19 години кои имаат ХИВ се во Африка, а еден од најдобрите начини да се избориме против стигмата за овие луѓе е да зборуваме за ова отворено и искрено.

Во центарот со години ги учиме децата за СИДА и знаат дека ХИВ вирусот не ги прави луѓето опасни. Заедно со вработените, децата се обидуваат да ги подучат сите околу нив и им кажуваат да не ги дискриминираат ХИВ позитивните луѓе.

Како што рекол Нелсон Мандела: 'Да им дадеме публицитет на ХИВ и СИДА и да не ги криеме, бидејќи тоа е единствениот начин да изгледаат како нормална болест'.

Сејвиор беше спасен навреме и итниот третман му го спаси животот. Денес, една година подоцна, Сејвиор е многу силно и среќно дете. Сака да оди на училиште и да игра фудбал.

Сејвиор многу ужива во новиот живот во нашиот центар, каде што постојано е опкружен со љубов, грижа и заштита“, пишува во нејзината објава.

Ана споделила и две фотографии од Сејвиор. Едната е направена кратко откако бил спасен, а втората е од неодамна и од насмевката на детенцето се гледа колку му е подобар животот сега.

Кога го пронашла:

Денес:

Прочитајте и 5 години подоцна: Како изгледа денес детенцето кое беше оставено да гладува на улица? (фото)

Спирова С. | Црнобело