Најздравиот народ во светот: Живеат до 120 години и имаат 3 тајни

Детали

среда, 06 јануари 2021

Еден од најздравите народи во светот живее во планинско подрачје на северот на Пакистан.

Народот Хунзи, за себе тврдат дека се потомци на Александар Велики, а послични се на Европејците, отколку на другите азиски народи.

Една од причините зошто се специфични е нивната отпорност на разни болести, меѓу кои е и ракот, а за тоа зборува и фактот што просечниот животен век е околу 100 години. Многумина од нив живеат и од 110 до 120 години.

Денес постојат околу 30.000 припадници на Хунзи народот и иако за тоа не постојат никакви пишани докази, тврдат дека помеѓу нив имало поединци кои доживеале и до 160 години.

Оваа мала, среќна и необична заедница живее на надморска висина на околу 3.000 метри и е невозможно да биде погодена од староста, бидејќи на 40 години, изгледаат двојно помлади.

Како е тоа можно? Се тврди дека имаат 3 навики на кои се должи долговечноста:

Се бањаат во ледена вода

Факт е дека Хунзите ретко заболуваат, не само од болести како рак, дијабетес или срцеви компликации, туку и од разни вируси, настинки и грипови.

Научниците претпоставуваат дека во тоа им помага бањањето со кофи ледена вода, кое го зајакнува имунитетот.

Редовно постат

Специфично за Хунзите е дека го јадат само она што ќе го израснат – не прифаќаат увозна и индустриски произведена храна.

Се хранат со сирови овошја и зеленчуци, јаткасти плодови, разни житарки и мешунки, но и млечни производи.

Еден дел од годината не јадат ништо, во времетраење од 2 до 4 месеци, туку пијат само сок од сушени кајсии.

Многу пешачат и се смеат

Хунзите поголем дел од времето го поминуваат во природа, на чист воздух. Одат дури и по 20 километри на ден.

А, додека остатокот од светот работи „на норма“ и под постојан стрес, Хунзите практикуваат медитација. Што се однесува до паузите, му веруваат на инстинктот – одмораат кога телото ќе им го побара тоа.

М. Д. | Црнобело