Парализиран маж со помош на одличен изум, по 10 години чекори по плажа, за првпат со неговите деца

Детали

понеделник, 04 јануари 2021

„Јас не сакам моите деца да ме помнат како лежам болен во креветот, сакам да се сеќаваат дека шетаа со мене по плажата и фрлавме камчиња во водата“, вели Симон.

Маж кој останал парализиран поради неоперабилен тумор на мозокот сега повторно може да се движи благодарение на роботскиот изум „Exoskeleton“.

Технологијата и донацијата од анонимен човек, му овозможија на Симон Киндлисајдс од Велика Британија да застане на нозе и да прошета по песокот на плажата повторно по речиси 10 години, а овојпат за првпат во животот со своите деца.

„Секогаш кога одев на плажа со моите деца, јас бев тој што седи на страна и ги чува торбите, но сега се движев заедно со нив, тие беа среќни, а за мене ова беше многу емоционален момент“, изјави Симон кој порачува дека во животот најважно е да креирате убави спомени.

„Јас не сакам моите деца да ме помнат како лежам болен во креветот, сакам да се сеќаваат дека шетаа со мене по плажата и фрлавме камчиња во водата“, додава тој.

Видео од оваа емотивна сцена:

https://www.youtube.com/watch?v=DBjLHYy1c1s

С. С. | Црнобело