Вљубени и по 60 години брак: Се засакале како тинејџери, се венчале во 1961 година, ја засмејува до денес

Детали

среда, 21 јули 2021

Берт вели дека никогаш не се посомневал дека ја направил вистинската одлука кога ја побарал Лин за жена.

Лин Волис (76) од Англија го запознала својот сопруг Берт (77) уште во тинејџерските денови. Тие се венчале многу млади во 1961 година и никој не верувал дека бракот ќе им опстане, дури ниту нивните родители.

Но, 60 години подоцна тие се вљубени како и првиот ден. Имаат 5 деца, 8 внуци и 8 правнуци.

Лин вели дека Берт ѝ е најдоброто нешто што ѝ се случила во животот. Тие порачуваат дека тајната на долгиот брак е да се разговара за работите и да се биде искрен еден кон друг.

Велат дека тие заедно пораснале и се шегуваат дека мора да си биле судени еден на друг штом издржале толку долго заедно.

„Бракот со Берт не би го менувала за ништо на светот, а најважната работа е во бракот да разговарате и дискутирате за работите и сите проблеми од кој било тип да ги решавате веднаш. Плус, тој уште ме засмејува, и по 60 години заедно“, вели Лин.

На ова Берт додава дека никогаш не се посомневал дека ја направил вистинската одлука кога ја побарал Лин за жена.

С. С. | Црнобело