Жена од Индија го роди првото дете на 70 години

Детали

вторник, 19 октомври 2021

Нејзиниот сопруг има 75 години и парот одлучил да се обиде да има дете со асистирано оплодување, иако докторот прво се противел. Резултатот бил успешен.

Жена од Индија по име Jivunben Rabari е хит во светските медиуми затоа што своето прво дете го роди на 70 години (како што тврди таа) и со тоа е една од најстарите родилки во светот.

Таа со својот 75-годишен сопруг гордо го покажува нивниот син, за кој вели дека е зачнат со помош на асистирано оплодување.

Rabari нема лична карта за да ги докаже своите години, но пред новинарите од целиот свет тврди дека има 70.

Нејзиниот доктор вели дека ова е еден од најретките случаи што ги видел, жена во менопауза да роди дете толку доцна со асистирано оплодување. Тој прво го одбил барањето на парот, но тие инсистирале многу, па така се одлучил да се обидат со асистирано оплодување.

Постојат податоци за уште една жена од Индија која родила за првпат многу доцна, и тоа станува збор за  Erramatti Mangayamma, која во септември 2019 година родила близнаци кога била на 74-годишна возраст.

Jivunben Rabari со сопругот и новороденчето:

С. С. | Црнобело